仲买咗个tea，做最后下午茶
知耻近乎勇的高钧贤，花钱请教戏老师学演技，虽然自觉有进步，但工作却越来越少，他说：「到第五年公司同我讲，呢一年差咗啲，所以呢年合约要冻薪，但要加签一年，当时人工去到$25，000，自己想喺呢行继续做，同公司讲唔要求做主角，希望慢慢进步尝试，公司话OK，所以签咗呢份约。」怎知之后几年公司却将他投闲置散，他说：「好多街坊问呢排做紧乜？我好想答佢哋，但答唔到！」
由于要供楼供车供保险，生活压力令他透不过气：「嗰时谂系咪真系要继续呢？怀疑自己系咪有抑郁，因为唔敢出去面对人，嗰段时间冇乜工作，每月咬住得叁、四千蚊使，死撑冇同任何人讲，我有看医生，但每次药费$1，000太贵，最后决定自己解决。嗰排冇工开成日打篮球，有次脚伤入院，好深刻系父母嚟探我，阿爸问我攞银行户口睇，我即刻喊咗出嚟，点解畀唔到更好屋企人，当时户口净番五万蚊。」
fans同佢影嘅相
高钧贤为坚持在这行发展，甚么角色都肯做，问对无线是否很失望？他说：「大家timing唔夹！自己畀咗九年时间，公司最尾一年先挽留同加人工，令我喺好唔开心同惆怅状态下离开。呢九年虽然有啲时间浪费咗，但畀到我经验同经历，o依家30岁选择呢一步，希望有新开始，之前去咗北京，有几间经理人公司都想签我，其中一间条件唔错，呢两个月自由身，享受松一口气感觉，之后会上北京定居同做嘢，重新出发。」
